ჩინეთის ჯანდაცვის ეროვნული კომისიის მიერ გამოქვეყნებული ახალი ოფიციალური მონაცემების მიხედვით, ქვეყანაში შემცირებულია პნევმონიის გამომწვევი კორონავირუსით COVID-19 ერთ დღეში გარდაცვლილთა რიცხვი. 16 თებერვალს დაფიქსირებულია 100 ლეტალური შედეგი. წინა დღის, 15 თებერვლის მონაცემებით, ერთ დღეში გარდაცვლილი იყო 142 ადამიანი. კლების ტენდენცია უკვე მეოთხე დღეა შეინიშნება.
ჩინეთის ჯანდაცვის ეროვნული კომისიის ცნობით, 16 თებერვალს კორონავირუსით დაავადდა კიდევ 2048 ადამიანი, რაც 39-ით მეტია 15 თებერვლის მონაცემებზე.
საერთო ჯამში, ჩინეთში კორონავირუსით დაავადდა 70548 ადამიანი და გარდაიცვალა 1770.
ჩინეთის საზღვრებს გარეთ, საერთო ჯამში, 5 ლეტალური შედეგია ფილიპინებზე, იაპონიაში, ტაივანზე, საფრანგეთსა და ჰონ-კონგში. მსოფლიოს 25-ზე მეტ ქვეყანაში დაფიქსირებულია კორონავირუსის საერთო ჯამში, 770-ზე მეტი შემთხვევა.
პნევმონიის გამომწვევი ახალი სახეობის კორონავირუსის გავრცელება დეკემბრიდან დაიწყო ჩინეთის ჰუბეის პროვინციის ქალაქ უჰანიდან. ეპიდაფეთქების გამო ჯანმრთელობის მსოფლიო ორგანიზაციამ საგანგებო მდგომარეობა გამოაცხადა.
www.radiotavisupleba.ge
Loading ...
