გამოცემა აჭარა თაიმსის ცნობით, ჩინეთში, ბათუმელი მეზღვაური ტრაგიკულად, სიმაღლიდან ვარდნის შედეგად დაიღუპა.
როგორც გამოცემა წერს, სხვა გარემოებები ამ ეტაპზე უცნობია – მეზღვაურის ცხედარი საქართველოში ჯერ არ ჩამოუსვენებიათ, შემთხვევა 2 კვირის წინ მოხდა.
საზღვაო ტრანსპორტის სააგენტომ აჭარა თაიმსთან საუბარში განაცხადა, რომ აღნიშნულ შემთხვევასთან დაკავშირებით, სააგენტოში ჯერ ოფიციალური განცხადება არ შესულა.
“აღნიშნულ შემთხვევასთან დაკავშირებით, საქართველოს საზღვაო ტრანსპორტის სააგენტოში არ შემოსულა ოფიციალური განცხადება გემთმფლობელის და/ან მეზღვაურის ოჯახის წევრებისგან რაიმე სახის დახმარების გაწევის თაობაზე. ამასთან, ოჯახის წევრების თანხმობის გარეშე, სააგენტოს არ აქვს უფლება გასცეს ინფორმაცია გარდაცვლილი მეზღვაურის შესახებ”. – განაცხადეს საზღვაო ტრანსპორტის სააგენტოში, აჭარა თაიმსის ცნობით.
Loading ...