ჩინეთის გუანდუნის პროვინციაში, ქალაქ ფოშანში ჩიკუნგუნიას ვირუსის 7,000-ზე მეტი შემთხვევა დაფიქსირდა.
ამ მხრივ სტატისტიკა საგანგაშოა, რადგან ჩიკუნგუნიას მსგავსი მასშტაბის ეპიდ-აფეთქება პროვინციაში სხვა დროს არასდროს დაფიქსირებულა. ვითარება განსაკუთრებით ივლისის მეორე ნახევარში გამწვავდა, როცა კოღოების მიერ გადამტანი ვირუსი მთელ ქალაქს მოედო.
ჩიკუნგუნიას სიმპტომები სახსრების ტკივილი, ცხელება, გამონაყარი და დაღლილობაა. აღსანიშნავია, რომ ვირუსი სიცოცხლისთვის საშიშია ჩვილებისა და ღრმა მოხუცებულებისათვის.
ჩიკუნგუნიას გავრცელების ფონზე, ჩინეთის ხელისუფლებამ მეორე დონის სამოგზაურო შეზღუდვა დააწესა და კოღოების გასანადგურებლად გუანდუნის პროვინციაში სპეციალისტთა ჯგუფი გაგზავნა. ეპიდაფეთქების ჩასაცხრობად ხელისუფლება დრონების გამოყენებასაც აპირებს. დაწესდა ჯარიმები მათთვის, ვინც მთავრობის მოთხოვნებს არ დაემორჩილებიან.
აღსანიშნავია, რომ პროვინციაში კოღოების მომრავლება გაძლიერებულმა სეზონურმა წვიმებმა განაპირობა. ცნობისთვის, ჩიკუნგუნიას ვირუსის საწინააღმდეგო ყველაზე ეფექტური ვაქცინები უკვე არსებობს ამერიკის შეერთებულ შტატებში, თუმცა ჩინეთის ხელისუფლება არცერთ მათგანს არ ფლობს.
Loading ...