“ჩვენ უარს არ ვაცხადებთ მოლაპარაკებაზე, ისინი აცხადებენ”-ვლადიმერ პუტინი

რუსეთის პრეზიდენტის ვლადიმერ პუტინის განცხადებით, რუსეთი ომის დასასრულებლად მოლაპარაკებისთვის მზადაა.

ამასთან, კრემლის ლიდერმა, უკრაინა და დასავლეთი დაადანაშაულა, რომ ისინი კომპრომისზე უარს აცხადებენ.

„ჩვენ მზად ვართ მისაღებ გადაწყვეტილებებზე მოლაპარაკებებისთვის ყველა ჩართულ [მხარესთან], მაგრამ ეს მათზეა დამოკიდებული – ჩვენ უარს არ ვაცხადებთ მოლაპარაკებაზე, ისინი აცხადებენ“, – განაცხადა რუსეთის პრეზიდენტმა.

პუტინის თქმით, მას სჯერა, რომ რუსეთი სწორი მიმართულებით მოქმედებს.

„მე მჯერა, რომ ჩვენ სწორი მიმართულებით ვმოქმედებთ, ჩვენ ვიცავთ ჩვენს ეროვნულ ინტერესებს, ჩვენი მოქალაქეების, ჩვენი ხალხის ინტერესებს. ჩვენ სხვა არჩევანი არ გვაქვს, გარდა ჩვენი მოქალაქეების დაცვისა“, – დასძინა პუტინმა.