„ჩვენ სერიოზული რისკის და დარტყმის ქვეშ ვართ“ – ბიძინა კულუმბეგოვი ეპიდვითარებაზე

ალერგოლოგ-იმუნოლოგი ბიძინა კულუმბეგოვი, საქართველოში COVID-19-ის ახალი შტამის გავრცელების მოცულობებზე გადაცემა Forbes Talks-ში საუბრობს და აცხადებს, რომ ქვეყანა სერიოზული რისკი და დარტყმის ქვეშაა.

მისი ინფორმაციით, საქართველო ინფიცირებულთა რაოდენობებითა და სიკვდილიანობით მსოფლიოში პირველ ადგილს იკავებს და აცხადებს, რომ ეს რიცხვები დათვლადია. ის მიიჩნევს, რომ ქვეყანაში დიდ ქალაქებში კოვიდ-გადატანილთა იმუნური ფენა ინფიცირების კიდევ უფრო მასშტაბური გავრცელებისგან გვიცავს.

„საქართველო ინფიცირების მაჩვენებლით მსოფლიოში პირველ ადგილზეა, მხოლოდ ერთი ქვეყანა გვისწრებს, მეორე საქართველოა და მერე ბოცვანა და ფიჯია. სიკვდილიანობითაც 1 მლნ მოსახლეზე მსგავსი ავადობის მასშტაბით შესაბამისი პროპორციულობით სიკვდილიანობა მსოფლიოს უმრავლეს ქვეყნებში აღარ ფიქსირდება, იგივე ქვეყნებშია ბოცვანა, კუბა და ა.შ. ამიტომ ჩვენ ვართ ძალიან სერიოზული რისკის და დარტყმის ქვეშ, იმიტომ რომ ეს ყველაფერი დათვლადია. ეს თავიდანვე უნდა გვცოდნოდა ჩვენ რადგან ამ ვირუსმა გამოავლინა – მას აქვს გარკვეული ფლუქტუაცია – ოსცილაცია 3 თვე ინფიცირების შემთხვევები მატება, 3 თვეში მეტ-ნაკლები სტაბილურობა 3 თვე ისევ აღმავლობა. წელიწადის 6 თვე პანდემია ზედა რეგისტრშია და შემდეგ ქვემოთ ჩამოდის. თან დელტა შტამი, რომლითაც ერთ ადამიანს 8-9 ადამიანის ინფიცირება შეუძლია, ანუ ჩუტყვავილას გავრცელების მასშტაბებს მიუახლოვდა და ერთადერთი ინფექცია პლანეტაზე დარჩა წითელა, რომელიც უფრო მეტად გადამდებია.

თუმცა ერთია – კოვიდ-გადატანილთა იმუნური ფენა ქალაქებში ალბათ 40% მაინც იქნება, მე ასე მგონია, რადგან ეს კვლევა ჯერ კიდევ მიმდინარეობს. ბათუმში და თბილისში უცებ რომ 20 000 დაავადებული მივიღოთ ამისგან გადატანილთა იმუნური ფენა გვიცავს, რადგან ვირუსი, სადაც იმუნურს შეხვდება გადაცემათა ჯაჭვი წყდება. ღმერთის და ამის იმედად ვართ, რომ შეიძლება განვლილმა ტალღებმა ინფიცირების კატასტროფული ზრდისგან დაგვიცვას“, – განმარტავს ბიძინა კულუმბეგოვი.

www.bm.ge