საქართველოს პარლამენტის თავმჯდომარის, შალვა პაპუაშვილის განცხადებით, მათი მოლოდინია, რომ თუ მოსამართლეების სანქცირებასთან დაკავშირებით მტკიცებულებები არ არსებობს, ამერიკა გადაწყვეტილებას გააუქმებს. პაპუაშვილიც ითხოვს, რომ ქართველი ხალხის მიმართ ეს მტკიცებულებები ამერიკულმა მხარემ წარმოადგინოს.
მისივე თქმით, სწორედ ეს პოზიცია იყო დაფიქსირებული საგარეო საქმეთა მინისტრის, ილია დარჩიაშვილის წერილშიც, რომელიც მან ენტონი ბლინკენს მისწერა.
“საუბარია იმაზე, რომ თუ მტკიცებულებები არ არსებობს მაშინ გვაქვს მოლოდინი, რომ ეს შეზღუდვები იქნება გაუქმებული. ყველა გადაწყვეტილებას სჭირდება მტკიცებულება. ამიტომ, თუკი ეს მტკიცებულება არ არსებობს და სწორედ ეს იყო საგარეო საქმეთა მინისტრის წერილში, რომელიც მან საკუთარ კოლეგას მიწერა, ჩვენი მოლოდინია, რომ ან წარმოდგენილი იქნება ქართველი ხალხის მიმართ ეს მტკიცებულებები, თუ ეს მტკიცებულებები არ წარმოდგენილა, ან არ არსებობს ან არ არის საკმარისი, არ ვიცი, მაშინ გაუქმდეს ეს შემზღუდველი ზომა, მაგრამ ჩვენ, საქართველოს მოქალაქეებს და ჩვენს ქართველ მოსამართლეებს მტკიცებულებების გარეშე კორუმპირებულად, რა თქმა უნდა, ვერ მოვახსენებინებთ,” – თქვა შალვა პაპუაშვილმა.
ცნობისთვის, დღეს პარლამენტის თავმჯდომარეს ამერიკის ელჩი, კელი დეგნანი შეხვდა
Loading ...