რუსეთმა მაისის ბოლომდე ჩეხეთში თავისი დიპლომატების შტატი უნდა შეამციროს, რათა ის მოსკოვში ჩეხეთის დიპლომატიური მისიის თანაშრომელთა რაოდენობას გაუთანაბრდეს. ამის შესახებ ჩეხეთის საგარეო საქმეთა მინისტრმა იაკუბ კულგანეკმა განაცხადა. ინფორმაციას „ეხო კავკაზა“ ავრცელებს.
რუსეთმა ჩეხეთიდან საელჩოს 62 თანამშრომელი უნდა გაიწვიოს. მანამდე კი მოსკოვმა რუსეთიდან 20 ჩეხი დიპლომატის გაძევების გადაწყვეტილება მიიღო.
როგორც ჩეხეთის საგარეო საქმეთა მინისტრმა განაცხადა, პრაღას მოსკოვთან ურთიერთობების გართულება არ სურს, მაგრამ ამ შემთხვევაში სხვა გზა არა აქვს. „ჩვენ არ გვსურს, რომ ეს გადაწყვეტილება მთლიანად რუსეთისთვის საფრთხედ შეფასდეს. ის არანაირად არ ეხება ჩეხეთში მყოფ რუსეთის მოქალაქეებს, სტუდენტებს და სხვა პირებს“ – განაცხადა კულგანეკმა. .
რამდენიმე დღის წინ ჩეხეთის სენატმა მოუწოდა მთავრობას, რომ რუსეთთან მეგობრობის და თანამშრომლობის შესახებ ხელშეკრულება გაწყვიტოს და ჩეხეთში რუსეთის საელჩოში მხოლოდ ერთი თანამშრომელი დატოვოს.
Loading ...