რუსეთის ხელისუფლება პრაღიდან რუსეთის საელჩოს თანამშრომლების გაძევების საპასუხოდ განიხილავს ჩეხური წარმოების გარკვეული საქონლის, მათ შორის ლუდის შეზღუდვას. ამის შესახებ რუსეთის ფედერაციის სახელმწიფო სტრუქტურების ორ წყაროზე დაყრდნობით “კომერსანტი” იუწყება.
ჩეხეთიდან რუსეთში ლუდის იმპორტმა 2020 წელს 38 მილიონ აშშ დოლარზე მეტი შეადგინა, იგი ყოველწლიურად 10% -ით იზრდება. ამავე დროს, გამოცემის მიერ გამოკითხული ექსპერტები აღნიშნავენ, რომ იმპორტირებული ჩეხური ლუდის წილი რუსეთის ბაზარზე მცირეა. მათი თქმით, ძირითადად, ჩეხური ლუდის წარმოება რუსეთში ლიცენზირებულია, იმპორტირებული ნედლეულის გამოყენებით.
საქონლის სხვა კატეგორიებში, რომელთა იმპორტი შეიძლება შეიზღუდოს ასევე განიხილება ავტომობილებისა და მანქანათმშენებლობის მაკოპლექტებელი დეტალები.
www.meduza.io
Loading ...
