შემოქმედის ეპარქიაში სააღდგომო ლიტურგია ჩვეულებისამებრ ჩატარდება. ამის შესახებ ოზურგეთის ღვთისმშობლის მიძინების სახელობის საკათედრო ტაძრის დეკანოზმა მამა ერმოლაოსმა განაცხადა.
– ”შემოქმედელი მიტროპოლიტის მეუფე იოსების ლოცვა-კურთხევით წირვა-ლოცვა ჩატარდება ჩვეულებისამებრ ანუ ღამისთევით, თუმცა აუცილებლად იქნება დაცული უსაფრთხოების ზომები, ტაძარი რადიფიცირებულია და ხალხის ის ნაწილი, რომელიც ტაძარში მონიშნულ ადგილებზე ვერ დაეტევა, ტაძრის ეზოში მოისმენს მსახურებას. როგორც ხელისუფლებიდან არის მოწოდებული, კომენდანტის საათიდან გამომდინარე, ღრმად მორწმუნე მრევლი, ვინც მაზიარებელია, საღამოს ცხრა საათამდე მობრძანდება ტაძარში და დილის 6 საათამდე დარჩება. ჩვენს ეპარქიაში ტაძრები, სადაც არის მღვდელმსახური, იქნება ღია და ჩატარდება საზეიმო ლიტურგია” – განაცხადა მამა ერმოლაოსმა.
Loading ...
