გურიაში, თებერვლის თვეში აბონენტების ნაწილს ელექტროენერგიის საფასური მოსალოდნელზე მეტი ან ნაკლები დაერიცხათ. აღნიშნულთან დაკავშირებით, მოქალაქემ ”ენერგო პრო-ჯორჯიას” მიმართა. როგორც აღმოჩნდა, თებერვალში დიდთოვლობის გამო, კომპანიის თანამშრომლების მიერ მრიცხველებიდან ჩვენების აღება ვერ მოხერხდა. როგორც ცხელ ხაზზე განაცხადეს, კომპანიამ შეფასებითი ჩვენებით ისარგებლა და აღნიშნულ აბონენტებს გადასახადი სწორედ ამ პრინციპით დაერიცხათ. მათივე თქმით, ცდომილებები მარტის თვის გადასახადისთვის გასწორდება, ზედმეტის გადახდის შემთხვევაში, თანხა ბალანსზე დარჩება. ნაკლების გადახდის შემთხვევაში კი აბონენტებს საფასურის შევსება მოუწევთ.
იგივე შემთხვევები დაფიქსირდა ბუნებრივი აირის გადასახადების მიმართულებითაც.
კომენტარები
Loading ...