შურისძიება წლების შემდეგ – დღეს მომხდარი მკვლელობის დეტალები

გორის მუნიციპალიტეტის სოფელ ახალდაბაში დღეს, 19 აპრილის დილით კაცი მოკლეს. 50 წლამდე ვალერი ნაცვლიშვილს ცეცხლსასროლი იარაღიდან 2 ტყვია აქვს მოხვედრილი. ვალერი ნაცვლიშვილის ოჯახის წევრები ამბობენ, რომ მკვლელობა წლების წინ მომხდარ დაპირისპირებას უკავშირდება. მათივე ინფორმაციით, ნაცვლიშვილს 2004 წელს ძმა სწორედ იმ კაცის შვილებმა მოუკლეს, რომელმაც დღეს, მათი თქმით, თავად ვალერი ნაცვლიშვილი მოკლა.

” 2004-ში ჯერ ძმა მომიკლეს მაგისმა შვილებმა, გამოეთრეს ციხიდან და ახლა მეორე ძმა მომიკლეს. ამნისტიითაა გამოშვებული თვითონაც და მისი შვილებიც. სავარუდოდ, ავტომატია. 2004 წლიდან მოდის, სერიული მკვლელია, დღევანდელი ხელისუფლება ხელს აფარებს, ყაჩაღებისაა და იმიტომ, რითი საზრდოობს, არ მუშაობს, არაფერი”, – ამბობს გარდაცვლილის და.

წყარო: www.dianews.ge