“Preparing for the English exam and new challenges” (მზადება ინგლისურის გამოცდისთვის და ახალი გამოწვევებისთვის) – ასეთი წარწერით შოთა არველაძე სოციალურ ქსელში ფოტოს ავრცელებს. რითაც ფაქტიურად ინგლისში კარიერის გაგრძელების შესახებ გავრცელებულ ინფორმაციას ადასტურებს.
მედიაში გავრცელდა ინფორმაცია, რომლის თანახმად, შოთა არველაძემ შესაძლოა კარიერა ინგლისში გააგრძელოს. ამის შესახებ ინფორმაციას სხვა წყაროებთან ერთად, ბრიტანული გამოცემა Goal.com-ის თურქული ვერსია ავრცელებს და წერს, რომ ინგლისის ჩემპიონშიფში გამომსვლელი “ჰალ სიტის” შესყიდვას თურქი ბიზნესმენი აკუნ ილიჩალი აპირებს, რომლის მიზანიც გუნდში ქართველი სპეციალისტის მიყვანა იქნება.
თუმცა პარალელურად ვრცელდება ასევე ინფორმაცია არველაძის გლაზგოს “რეინჯერსში” შესაძლ;ო გადასვლის შესახებ. “რეინჯერსი” სულ ახლახანს ჯერარდმა დატოვა და შესაბამისად კლუბი ახლა უმწვრთნელოდაა.
აქამდე, 48 წლის ქართველ სპეციალისტს სამ თურქულ კლუბში, “ქაიზერისპორში“, “ქაზიმფაშასა” და “ტრაბზონსპორში“, ასევე თელ ავივის “მაკაბიში”, ნიდერლანდურ “აზ ალკმაარსა” და უზბეკურ “ფახთაქორში” უმუშავია.
ტაშკენტის “ფახთაქორში” გატარებული 3 წლის, ორჯერ ჩემპიონატისა და ორჯერ თასის მოგების შემდეგ, 2020 წლის დეკემბრიდან არველაძე უმუშევარია. თვეების განმავლობაში, მას თურქულ და ნიდერლანდურ კლუბებს უკავშირებდნენ.
Loading ...
