მიხეილ სააკაშვილის სამკურნალოდ საზღვარგარეთ გადაყვანის მოთხოვნით პარლამენტში პროტესტი გრძელდება. უკვე მე-5 დღეა “ნაციონალური მოძრაობის” წევრები საკანონმდებლო ორგანოში შიმშილობენ.
მოშიმშილე დეპუტატებს სისუსტე აღენიშნებათ, თავბრუსხვევა მაგრამ ჯანმრთელობის გაუარესების მიუხედავად, წითლიძე, ჯანაშია და კირკიტაძე პროტესტის უკიდურესი ფორმის შეწყვეტას არ აპირებენ.
ენმ-ს წევრი თემურ ჯანაშია ამბობს, რომ დრო ახლა მიხეილ სააკაშვილის წინააღმდეგ მოქმედებს დ.
“სამივეს ჯანმრთელობის მდგომარეობის მხრივ ისეთი პრობლემები არაფერია, ჩვეულებრივ… კადრები არც იყო საჭირო, ისედაც ვიცი მისი მდგომარეობა. ეს ადამიანი არის წამების, არაადამიანური მოპყრობის მსხვერპლი, ასევე არის მოწამვლის მსხვერპლი. ხელისუფლების ამოცანაა რაც შეიძლება მაქსიმუმი ზიანი მიაყენოს მის ჯანმრთელობას და ისეთი შედეგები დაგეს, რომელიც საბოლოო ჯამში აღარ შემობრუნდება სასიკეთოდ, ამიტომ თითოეული წუთი, თითოეული წამი მისთვის და მისი ჯანმრთელობისთვის არის ძალიან მნიშვნელოვანი.” – ამბობს ჯანაშია.
გადიყვანს თუ არა “ქართული ოცნება” ქვეყნის მესამე პრეზიდენტს ჰუმანიტარული მიზნით საზღვარგარეთ და დააკმაყოფილებს თუ არა მოშიმშილე დეპუტატების მოთხოვნას, ჯერჯერობით უცნობია. შეკითხვა უპასუხოდ დატოვა მმართველი გუნდის წევრმა მიხეილ სარჯველაძემაც.
Loading ...
