შიდა გზების პრობლემა ბახმაროში

ბახმარო – დაბა და კურორტი გურიაში, ჩოხატაურის მუნიციპალიტეტში, საკმაოდ ბევრი პრობლემური საკითხით გამოირჩევა. ერთ-ერთი პრობლემური თემა, სატრანსპორტო და საფეხმავლო გზაა, რომელიც უკვე წლებია დიდ თავსატეხს წარმოადგენს დამსვენებელთათვის. კურორტი ბახმარო, ამინდის ხშირი ცვლილებით გამოირჩევა. წვიმიანი ამინდები, ერთი მხრივ ბახმაროს მთავარი ხიბლია, მეორე მხრივ კი დიდი პრობლემა. ადიდებული, უკალაპოტო მდინარეები სატრანსპორტო მიმოსვლას აფერხებს. მსუბუქი ავტომობილებისათვის, რთული, ხშირად კი შეუძლებელია ადიდებული მდინარის გადმოლახვა.

ვფიქრობ, ბახმაროში არამარტო საავტომობილო, არამედ ქვეითთათვის მიმოსვლის გზაც დაბრკოლებულია. ხიდი, რომელიც წლებია რესტავრაციას საჭიროებს, დიდ საფრთხეს წარმოადგენს კურორტის სტუმრებისათვის. თამამად შეიძლება ითქვას, რომ ხიდი ავარიულ მდგომარეობაშია, რასაც ადასტურებს ერთმანეთზე დაჭედებული ფიცრები, ზოგან კი სრულიად ცარიელი ადგილები.

ამ საკითხთან დაკავშირებით გადავწყვიტე, რამდენიმე დამსვენებლის აზრი გამეგო. 

ნ. ორმოცაძე: “ბახმაროში წლებია უკვე ვისვენებ, ამ დროის განმავლობაში მიმოსვლის გზა ყოველთვის დიდ პრობლემას და საფრთხეს წარმოადგენდა. ამინდის ყოველ ჯერზე გაუარესება კი ამის დასტურია.”

ქალბატონი ნინოს მოსაზრებას იზიარებს ოთარ კომუშოვიც. იგი აცხადებს, რომ მდინარის გადალახვა მსუბუქი ავტომობილით ჭირს. მან თავისი პირადი მაგალითიც გაგვაცნო, სადაც ამბობს, რომ თავისი პირადი ავტომობილი მდინარის მეორე ნაპირზე ყავს დატოვებული, რადგან კარგი ამინდის შემთხვევაშიც რთულია მდინარის გადმოლახვა.

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ანანო ჩაგუნავამ მოამზადა.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ-ის საელჩოს ალუმნი საგრანტო პროგრამის ფარგლებში