დადგენილება, რომელიც საქალაქთაშორისო გადაყვანებთან დაკავშირებით ცვლილებებს გულისხმობდა, რომლის მიხედვითაც 150 კმ-ზე მეტი მანძილით დაშორებულ დასახლებულ პუნქტებს შორის გადაზიდვების განხორციელების უფლება ექნებათ მხოლოდ 5 ტონაზე მეტი წონის მქონე M3 კატეგორიის ავტოსატრანსპორტო საშუალებებს, 1 ივნისიდან აღარ ამოქმედებულა. აღნიშნული რეგულაცია, ახალი დადგენილების თანახმად, ძალაში შევა 2026 წლის 1 იანვრიდან. ამასთან დაკავშირებით ირაკლი კობახიძემ დადგენილებას ხელი 30 მაისს მოაწერა და ამით მიკროავტობუსის მძღოლებს მგზავრთა გადაყვანის შესაძლებლობა კიდევ ექვსი თვით შეუნარჩუნდათ. ხოლო 1 იანვრიდან მაგალითისთვის, ოზურგეთიდან თბილისამდე მგზავრთა გადაყვანას მხოლოდ ავტობუსები განახორციელებენ და მიკროავტობუსები ამ დისტანციაზე ვეღარ ივლიან.
საქალაქთაშორისო გადაყვანებთან დაკავშირებით რამდენიმე ახალი რეგლამენტი 2024 წლის განმავლობაში დამტკიცდა. ამ რეგლამენტებს შორის არის ავტოსადგურების მოწესრიგების ვალდებულებაც. კერძოდ, ავტოსადგურები აღჭურვილი უნდა იყოს მძღოლის მოსასვენებელი სივრცით, სამედიცინო პუნქტით, საპირფარეშოებით, მგზავრების მოსაცდელი სივრცით.
ასევე სიახლეა ისიც, რომ 1 მარტიდან მძღოლები ვალდებულები არიან წელიწადში ერთხელ სამედიცინო შემოწმების დამადასტურებელი დოკუმენტაცია და ნარკოშემოწმების ცნობა წარმოადგინონ.
Loading ...