შემოქმედელი მიტროპოლიტის, მეუფე იოსების განცხადება

შემოქმედელი მიტროპოლიტი, მეუფე იოსები შემოქმედის ეპარქიის ფეისბუქ გვერდზე განცხადებას ავრცელებს –

ქრისტეს მიერ საყვარელო სულიერო შვილებო!
გაცნობებთ, რომ საპატრიარქოსა და სახელმწიფოს შეთანხმების საფუძველზე, მრევლს მიეცა საშუალება, დაესწროს აღდგომის ლიტურგიას, თუმცა უნდა ვიმოქმედოთ სახელმწიფოს მიერ დაწესებული რეგულაციების ფარგლებში და არ დავარღვიოთ კომენდანტის საათი. ამიტომ გთხოვთ, ტაძარში მობრძანდეთ შაბათს, საღამოს 21: 00 საათამდე და ტერიტორია დატოვოთ დილის 06:00 საათის შემდეგ,ხოლო ვინც შეუძლოთ არის ან სხვადასხვა მიზეზების გამო არ შეუძლია დაესწროს საღმრთო ლიტურგიას,დარჩეს სახლში და მომდევნო კვირის შვიდი დღის მანძილზე (ბრწყინვალე შვიდეულში)მივიდეს ტაძარში,რომელიც აგრეთვე ითვლება აღდგომის დღესასწაულად.
23:00 საათზე დაიწყება მსახურება, 24:00 საათზე იქნება ლიტანიობა და მას მიებმება საღმრთო ლიტურგია.
მრევლს მოგიწოდებთ, გაითვალისწინოთ ექიმებისა და ეპიდემიოლოგების რეკომენდაციები. საკუთარი თავისა და სხვების დაცვის მიზნით გაიკეთეთ პირბადე (პირბადის გარეშე მოსვლა ყოვლად დაუშვებელია) და დაიცავით დისტანცია, დადექით ერთმანეთისგან 2 მეტრის დაშორებით. ლიტურგიის მსვლელობისას, საჭიროების შემთხვევაში, შეგიძლიათ მიმართოთ მესანთლეს.
ღმერთმა დაგლოცოთ და გაგახაროთ!
ქრისტე აღდგა……….
იოსები მიტროპოლიტი შემოქმედელი.