მოძრაობა “ხალხის ძალა” გაფართოვდა, ამჯერად მათ საკრებულოს წევრები და თანამდებობის პირები შეუერთდნენ ყველა მუნიციპალიტეტიდან. დეპუტატმა სოზარ სუბარმა თქვა, რომ დღეისათვის მათ დაახლოებით 200-მდე ადამიანი შეუერთდა, მათგან 100-ზე მეტი საკრებულოს წევრია. მისივე თქმით, თანამდებობის პირების უმრავლესობა “ოცნების” უკვე ყოფილი წევრები არიან.
“ხახლის ძალის” ლიდერმა ამჯერადაც გაიმეორა, რომ მათი პირველი ამოცანა ქვეყნისთვის “მეორე ფრონტის” გახსნის თავიდან არიდება იყო, რაც წარმატებით მოახერხეს.
“ვფიქრობთ, რომ პირველი ეტაპის ამოცანა ჩვენმა მოძრაობამ, საზოგადოებასთან ერთად წარმატებით შეასრულა, თუმცა საფრთხეები ჯერ კიდევ არ არის განეიტრალებული, უფრო მეტიც ბოლო პერიოდში გააქტიურდა საქართველოს წინააღმდეგ მიმართული ღია და პირდაპირი მუქარები, ანტისახელმწიფოებრივი მოწოდებები და ქმედებები”, – თქვა მან.
სუბარი ამჯერადაც თავს დაესხა უკრაინის ხელისუფლებასა და ამერიკის ელჩს, კელი დეგნანს.
Loading ...
