მოსახლეობის მოთხოვნის შესაბამისად, გურიაში სახელმწიფო რწმუნებულის ადმინისტრაციის ხელშეწყობით, სამედიცინო ცენტრი „დოსტაქარი“ გეგმავს მოძრავი ამცრელი ჯგუფებით მოსახლეობის ვაქცინაციას სოფლებში რეგისტრაციის გარეშე „პფაიზერის“ ვაქცინით. შეგახსენებთ, სამედიცინო ცენტრ „დოსტაქარში“ ვაქცინაცია 10-დან 18 საათამდე შაბათ-კვირის ჩათვლით, ადგილზე რეგისტრაციით „სინოფარმის“, „სინოვაკისა” და „პფაიზერის“ ვაქცინებითაა შესაძლებელი. “პფაიზერით” ვაქცინაცია ორშაბათს, ხუთშაბათსა და შაბათს ხორციელდება, სხვა ვაქცინებით კი, ყოველ დღე. გურიის რეგიონში იმუნიზაციის შვიდი ცენტრი ფუნქციონირებს. ვაქცინაციის პროცესი ჯანმრთელობის მსოფლიო ორგანიზაციის მიერ ავტორიზებული ვაქცინებით შეუფერხებლად მიმდინარეობს.
იმუნიზაციის პროცესს სახელმწიფო რწმუნებულის მოადგილე ქეთევან მოისწრაფეშვილი გაეცნო.
Loading ...