საქართველოს პარლამენტის თავმჯდომარემ შალვა პაპუაშვილმა, გურიაში სახელმწიფო რწმუნებულთან გიორგი ურუშაძესთან, პარლამენტის წევრებთან და ადგილობრივი ხელისუფლების წარმომადგენლებთან ერთად ჩოხატაურის მუნიციპალიტეტში კოლეჯ “ჰორიზონტი”-ს გორაბარეჟოულის სასწავლო კორპუსი დაათვალიერა და სოფლის მეურნეობის დარგში მოღვაწე მეწარმეებს შეხვდა. შალვა პაპუაშვილმა მეწარმეებისგან ადგილზე მათი საჭიროებები და გამოწვევები მოისმინა და ის ინფორმაცია გაუზიარა, რომელსაც პარლამენტი საკანონმდებლო დონეზე ახორციელებს. “ჰორიზონტი”-ს დირექტორმა ნანა ჯოლიამ, პარლამენტის თავმჯდომარეს მიმდინარე პროგრამები გააცნო, კოლეჯის სასწავლო ლაბორატორიები და სადემონსტრაციო ნაკვეთები დაათვალიერებინა. ასევე, ისაუბრა კოლეჯში დანერგილ ინოვავიურ სისტემებზე სოფლის მეურნეობის დარგში. სტუმრებმა მონაწილეობა მიიღეს ვენახის გურული ჯიშის ჩხავერის გაშენებაში . „ჰორიზონტის“ გორაბერეჟოულის სასწავლო ცენტრში 200-მდე სტუდენტი ძირითადად სოფლის მეურნეობის დარგებს სწავლობს. ასევე, სტუდენტებს შესაძლებლობა აქვთ დაეუფლონ კომპიუტერული ქსელებისა და სისტემების, ბუღალტრული აღრიცხვისა და სკოლამდელი აღზრდის სპეციალობებს.
Loading ...
