მას შემდეგ, რაც გასულ კვირას, რუსული სანავთობო ტანკერი, რომელსაც 4,300 ტონა მაზუთი გადაჰქონდა, ოკუპირებული ყირიმის მახლობლად, ქერჩის სრუტესთან შტორმში მოჰყვა და ჩაიძირა, შავი ზღვა ეკოლოგიური კატასტროფის წინაშე აღმოჩნდა.
რუსული სამეცნიერო-ეკოლოგიური ცენტრში ამბობენ, შავ ზღვაში მაზუთის ჩაღვრას ამ დრომდე 21 დელფინი ემსხვერპლა, მაგრამ დროსთან ერთად, რაოდენობა შეიძლება გაიზარდოს, რადგან დელფინები, ისევე, როგორც ზღვის სხვა ბინადრები ეკოლოგიურ ცვლილებებს ვერ ეგუებიან.
შავ ზღვაში არსებული ეკოლოგიური გარემო მნიშვნელოვნად დაზიანდა რუსეთ-უკრაინის ომის დაწყების შემდეგაც. კვლევები ცხადყოფს, რომ 2022 წელს, ომის შედეგად შავ ზღვაში ვეშაპისნაირთა ოჯახის 1,000-მდე წარმომადგენელი, მათ შორის დელფინი და ზღვის ღორი მოკვდა. ზღვა, ისევე, როგორც წყალთან დაკავშირებული ნებისმიერი გარემო ეკოლოგიური ცვლილებების მიმართ საკმაოდ მგრძნობიარეა, შესაბამისად ნავთობის, ისევე, როგორც მაზუთის ან საწვავის ჩაღვრა წყლის ხარისხზე და წყალში არსებულ ცხოველებზე, მცენარეებზე და მიკროორგანიზმებზე უარყოფითად მოქმედებს.
Loading ...
