ყაჩაღობა სოფელ ნაღობილევში

ყაჩაღობა მოხდა ოზურგეთის მუნიციპალიტეტის სოფელ ნაღობილევში.  ყაჩაღებმა 82 წლის მამაკაცი და 80 წლის ქალი აწამეს და სახლიდან 2500 ლარი წაიღეს. ორივე მათგანი ოზურგეთის კლინიკა “მედალფაშია” მოთავსებული. კლინიკის ინფორმაციით, მამაკაცს 10 ნეკნი აქვს გატეხილი და ის რეანიმაციულ განყოფილებაშია. რაც შეეხება ქალს, მას ჭრილობა სახის არეში აქვს მიყენებული. მომხდარზე გამოძიება სისხლის სამართლის კოდექსის 179-ე მუხლით არის დაწყებული.