მოსალოდნელია, რომ დღეს უფრო მეტი ადამიანი გადავა ღაზადან ეგვიპტეში მას შემდეგ, რაც რაფაჰის პუნქტი პირველად გაიხსნა ისრაელ-ჰამასის ომის შემდეგ. BBC ამბობს, რომ გამშვებ პუნქტში გამოქვეყნდება ეგვიპტის მიერ შედგენილი 500-მდე პირის სია, რომლებსაც საზღვრის კვეთის უფლება აქვთ.
400-ზე მეტმა ადამიანმა გუშინ შეძლო ღაზის დატოვება.
ღაზის სექტორის დატოვება კრიტიკულია განსაკუთრებით მათთვის, ვისაც სამედიცინო დახმარება ესაჭიროება, რადგან საავადმყოფოებს მარაგი ეწურებათ, ბრძოლა კი გრძელდება.
CNN ადგილიდან იტყობინება, რომ 34 მძიმედ დაშავებული პალესტინელი სავარაუდოდ, ოთხშაბათს გადავიდა ეგვიპტეში. მათგან ათობით უკვე ჩამოვიდა და გადის მკურნალობას ეგვიპტის რამდენიმე საავადმყოფოში.
360-ზე მეტმა უცხოური პასპორტის მფლობელმა ასევე დატოვა ღაზა რაფაჰის სასაზღვრო გადასასვლელით, განუცხადა ეგვიპტის მთავრობის ოფიციალურმა წარმომადგენელმა CNN-ს, რომელიც ანონიმურობის პირობით საუბრობდა, რადგან მათ არ აქვთ მედიასთან საუბრის უფლება. მათ შორის არიან ავსტრიის, გაერთიანებული სამეფოს, იორდანიის, საუდის არაბეთის, იტალიისა და იაპონიის მოქალაქეები.
ოჯახის წევრებისა და დამხმარე ჯგუფების თქმით, სულ მცირე ორი ამერიკელი ასევე შევიდა ეგვიპტეში. მთავრობის წარმომადგენლებმა განაცხადეს, რომ საფრანგეთის რამდენიმე მოქალაქემ ასევე დატოვა ღაზა.
ალყაში მოქცეული სექტროი დატოვა “ექიმები საზღვრებს გარეშე”-ს 22-ვე საერთაშორისო თანამშრომელმა. ორგანიზაცია აცხადებს, რომ ახალი სამედიცინო ჯგუფით მზად არის შევიდეს პალესტინის ანკლავში როგორც სიტუაცია მისცემთ ამის საშუალებას.
წყარო: მთავარი რხი
Loading ...
