ქობულეთში კოსტავას ქუჩაზე მომხდარი სისხლიანი გარჩევა მკვლელობით დასრულდა. 30 წლამდე მამაკაცს ურთიერთშელაპარაკების ნიადაგზე ცივი იარაღით სასიკვდილო ჭრილობა დღეს დილით მიაყენეს, ის ადგილზე გარდაიცვალა.
დაჭრილი აზერბაიჯანის მოქალაქე სამედიცინო დაწესებულებაში გადაიყვანეს, თუმცა მისი გადარჩენა ექიმებმა ვერ შეძლეს.
გავრცელებული ინფორმაციით, შელაპარაკება სასტუმროში მოხდა, სადაც კონფლიქტის მონაწილეები ცხოვრობდნენ. ორივე მამაკაცი ქობულეთში სეზონურ სამუშაოზე იყო დასაქმებული.
შინაგან საქმეთა სამინისტროს ინფორმაციით, მკვლელობის ჩამდენი პირი იდენტიფიცირებულია, თუმცა ის ჯერჯერობით დაკავებული არ არის. გავრცელებული ინფორმაციით, ის ოზურგეთელი, დაბა ნარუჯის მკვიდრი, 22 წლის ახალგაზრდაა. გამოძიება სისხლის სამართლის კოდექსის 108-ე მუხლით მიმდინარეობს.
კომენტარები
Loading ...