ქობულეთში, კორპუსის ხარაჩოდან მუშა ჩამოვარდა. შემთხვევა იმ დროს მოხდა, როცა დასაქმებული ფასადის სარემონტო სამუშაოებს ახორციელებდა.
დაშავებული სასწრაფო-სამედიცინო დახმარების ჯგუფმა კლინიკაში გადაიყვანა.
სამედიცინო დაწესებულებაში TV25.GE-ის თქმით, პაციენტს გამოკვლევები უტარდება, მას ჭრილობა თავის არეში აღენიშნება. კლინიკის ცნობითვე, დაშავებულის ჯანმრთელობის მდგომარეობა სტაბილურია და მის სიცოცხლეს საფრთხე არ ემუქრება.
შემთხვევის ადგილზე პოლიციელები მუშაობენ. ჯერჯერობით უცნობია, იყო თუ არა დაცული უსაფრთხოების ნორმები სამშენებლო ობიექტზე.
კომენტარები
Loading ...