ეკოლოგიის პრობლემებზე მომუშავე ქსპერტების ვარაუდით, ახლო მომავალში, ევროპაში ექსტრემალური ტემპერატურა მნიშვნელოვნად შეცვლის ზაფხულის არდადეგების ჩვეულ ფორმატს.
თუმცა, ირკვევა, რომ ბევრი ტურისტი შიშობს, რომ ეს ბევრად უფრო ადრე მოხდება, ვიდრე კლიმატოლოგები ვარაუდობენ. InsureandGo-ს ახალი კვლევის თანახმად, ხუთიდან ოთხი ბრიტანელი დამსვენებელი (80%) თვლის, რომ ზოგიერთი პოპულარული ევროპული დასასვენებელი ადგილი ზედმეტად ცხელი იქნება მომდევნო ხუთი წლის განმავლობაში კლიმატის ცვლილებისა და ექსტრემალური ამინდის გამო.
ამავდროულად, ტურისტებს ყველაზე მეტად აწუხებთ საბერძნეთი: გამოკითხულთა თითქმის ნახევარი (48%) თვლის, რომ 2029 წლისთვის შეუძლებელი გახდება ზაფხულში დასვენება ამ ქვეყანაში, რომელიც უკვე იძულებულია ზოგიერთი ტურისტული ობიექტი დახუროს სიცხის გამო.
მოგზაურები ასევე ელიან დასვენებისთვის აუტანელ პირობებს ხუთ წელიწადში ევროპის ისეთ ქვეყნებში, როგორიცაა:
თურქეთი (რესპოდენტთა 45%)
ესპანეთი (44%)
კვიპროსი (40%)
იტალია (28%)
პორტუგალია (27%)
მალტა (23%)
ყველა ასაკობრივი ჯგუფის რესპონდენტები გამოთქვამენ შეშფოთებას ზაფხულის არდადეგების მომავალთან დაკავშირებით ამ პოპულარულ ადგილებში – და ეს არ არის უსაფუძვლო, იმის გათვალისწინებით, რომ ზოგიერთ ამ ადგილას ტემპერატურა უკვე სეზონურ საშუალოზე 10°C-ით გაიზარდა.
უფრო მეტიც, ბოლო ორი წლის განმავლობაში, იმ ადამიანების რაოდენობა, რომელთა არჩევანზე გავლენას ახდენს საშუალო ტემპერატურის ზრდა 31%-დან 45%-მდე გაიზარდა.
ტურისტები ასევე აღნიშნავენ, რომ ისეთი ინდიკატორები, როგორიცაა ჰაერის ცუდი ხარისხი, დიდი რაოდენობით პლასტმასის ნარჩენები, ნაგავი პლაჟებზე, მსოფლიო ოკეანეების დათბობა, ტყეების განადგურება, ისევე როგორც ბუნებრივი კატასტროფები(ტყის ხანძრები, წყალდიდობები) მათ შეშფოთებას იწვევს.
www.bpn.ge
Loading ...