ლანჩხუთის მუნიციპალიტეტის სოფელ ქვემო აკეთის მოსახლეობა ხელისუფლებას გზის პრობლემის მოგვარებას კიდევ ერთხელ სთხოვს. მრავალი წელია, რაც აღნიშნულ სოფელში ვერ მოხერხდა ასფალტირება. როგორც, ადგილობრივები “გურია TV” – თან საუბრისას აღნიშნავენ, ყველა არჩევნების წინ გაცემული დაპირებების მიუხედავად შედეგი ამ დრომდე არ ჩანს და უკმაყოფილებას გამოთქვამენ აღნიშნულთან დაკავშირებით. მათი თქმით, უგზოობის გამო აკეთში მცხოვრებ თითოეულ მოსახლეს ძალიან ბევრი პრობლემა ექმნება, როგორიცაა: სასწრაფო სამედიცინო ბრიგადის დაგვიანებით ამოსვლა, ახალგაზრდების გადინება, ქალაქში ჩასვლის შეფერხება და ა.შ , რაც მათთვის სერიოზულ დაბრკოლებას ქმნის. სწორედ ახალგაზრდებმა სოფელ აკეთშო დააფუძნეს ორგანიზაცია საქველმოქმედო ფონდი ”აკეთი” მათ თავიანთი ძალებით შეადგინეს პეტიცია და ხელწერები აკეთში გზის დაგების მოთხოვნით, რომელსაც ხელი თემის 800-მდე მოსახლემ მოაწერა, თუმცა პრობლემა ისევ პრობლემად რჩება. “გურია TV” ესაუბრა თემის ახლად არჩეულ დეპუტატს ემზარ თევდორაძეს, რომლის განცხადებითაც აღნიშნული გზის დაპროექტება უკვე დაწყებულია, ზამთარი ექსპერტიზას და ტენდერს მოხმარდება, სამუშაოები კი გაზაფხულიდან დაიწყება. დეპუტატის ინფორმაციით, შუხუთიდან აკეთის მიმართულებით ასფალტო-ბეტონის გზა დაიგება, გაგურის ცენტრში ამოვა და ორი მიმართულებით: ქვედა აკეთისა და ჭანჭათის მხარეს გაგრძელდება. ხსენებული სამუშაოები წინასწარი ინფორმაციით 9 მილიონ ლარზე მეტი ჯდება.
მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა რეპორტიორმა გიორგი მორჩილაძემ მოამზადა.
Funded through the Alumni Grants Program, U.S. Embassy in Georgia/დაფინანსებულია საქართველოში აშშ-ის საელჩოს ალუმნი საგრანტო პროგრამის ფარგლებში.
Loading ...
