საქველმოქმედო ფონდ „ქართუს“ დაფინანსებით ჩოხატაურის მუნიციპალიტეტის სოფელ გორაბერეჟოულში ერისთავების სასახლის ფართომასშტაბიანი რეაბილიტაციის პროცესი უკვე დასრულდა.
ერისთავების სასახლის რეაბილიტაციის პროცესში სრულად აღდგა XIX საუკუნის არქიტექტურული ნაგებობის ყველა კონსტრუქციული ელემენტი. ავთენტური ფორმით განახლდა და ნაწილობრივ რესტავრირდა სასახლის კარ-ფანჯრები, რომლებიც სტრუქტურული მდგრადობის მიზნით, შენობის ყველა ხის კონსტრუქციული ელემენტის მგავსად ცვილის ლაქით დაიფარა. პირვანდელი იერსახე დაიბრუნა ნაგებობის უნიკალურმა ხის აივანმა მისი მოაჯირებით, ორნამენტული დეტალებითა და XIX საუკუნის ტიპიური დიზაინის შუშაბანდით. სრულად რეაბილიტირდა შენობის სახურავი და ჭერის კონსტრუქციული წყობები. სრულად აღდგა ერისთავების სასხლის მარანი და ყველა სამეურნეო დანიშნულების სივრცე.
Loading ...
