პარლამენტში კახა კუჭავას, გია ცაგარეიშვილი ჩაანაცვლებს. სწორედ გია ცაგარეიშვილი არის მმართველი გუნდის საარჩევნო სიაში მომდევნო წევრი, რომელსაც პარლამენტის წევრობა უწევს.
გია ცაგარეიშვილი „ქართული ოცნების“ სიაში რიგით 62-ე ადგილზეა. გია ცაგარეიშვილი იყო 2008-2012, ასევე 2011-2016 წევის მოწვევის პარლამენტის წევრი.
პარლამენტის თავმჯდომარე კახა კუჭავამ თანამდებობიდან წასვლის შესახებ დღეს განაცხადა. მოგვიანებით აღნიშნა, რომ საპარლამენტო მანდატსაც ტოვებს. როგორც მან აღნიშნა, საქმიანობას „ქართული ოცნების“ პოლიტსაბჭოში გააგრძელებს.
„შორს არსად მივდივარ, ვრჩები პოლიტსაბჭოში, მომავალ წელს მეტს გაიგებთ იმ პროექტზე, რომელსაც ვუხელმძღვანელებ“, – აღნიშნა კახა კუჭავამ.
პარლამენტის თავმჯდომარის თანამდებობას შალვა პაპუაშვილი დაიკავებს.
კომენტარები
Loading ...