„ქართული ოცნების“ ოფისთან სამოქალაქო აქტივისტებსა და სამართალდამცავებს შორის დაპირისპირებაა. აქციის მონაწილეების განცხადებით, დაკავებულია რამდენიმე აქტივისტი.
სამოქალაქო აქტივისტების აქცია უმრავლესობის სხდომის პარალელურად მიმდინარეობდა. სხდომის დასრულების შემდეგ, როდესაც მმართველი გუნდის ლიდერებმა პარტიის ოფისი დატოვეს, აქციის მონაწილეები სკანდირებდნენ „მონა“, რის შემდეგაც პოლიციასა და სამოქალაქო აქტივისტებს შორის დაპირისპირება მოხდა.
როგორც აქციის მონაწილეები აცხადებენ, ისინი 2020 წლის საპარლამენტო არჩევნების გაყალბებას აპროტესტებენ.