თბილისში, პარლამენტის წინ 20:00 საათზე იგეგმება მმართველი პარტიის „საერთო სახალხო შეკრების“ დაწყება. მანამდე „ქართული ოცნების“ ახალგაზრდული ორგანიზაციის წევრებმა ფილარმონიიდან რუსთაველის გამზირისკენ მსვლელობა გამართეს, მათ შეუერთდა ბიძინა ივანიშვილის უმცროსი შვილი ცოტნე ივანიშვილი.
როგორც ცოტნე ივანიშვილმა ჟურნალისტებს განუცხადა, საქართველო აუცილებლად უნდა გახდეს ევროპული ოჯახის ღირსეული წევრი.
„ჩემი პოზიცია არის, რომ აუცილებლად უნდა გავხდეთ ევროპული ოჯახის ღირსეული წევრები. ამისთვის ვარ დღეს აქ. ყველა ახალგაზრდას მოვუწოდებ, რომ მხარი დაგვიჭირონ. ჩემი პოზიცია მინდა, დავაფიქსირო. ეს არის ქართული კანონი. მე მხარს ვუჭერ ქართველ ახალგაზრდებს და ჩვენი სუვერენიტეტისთვის ვდგავარ აქ“, – განაცხადა ცოტნე ივანიშვილმა.
22 აპრილს გახდა ცნობილი, რომ მმართველი პარტიის კონტრაქციის შესახებ, რომელიც „აგენტების კანონის“ მხარდაჭერის მიზნით, 29 აპრილს დაინიშნა.
შეკრებილებს სიტყვით მიმართავს „ქართული ოცნების“ საპატიო თავმჯდომარე ბიძინა ივანიშვილი.
Loading ...