საპარლამენტო უმრავლესობის წევრები სრულიად საქართველოს კათოლიკოს-პატრიარქს, ილია II-ს შეხვდნენ. როგორც პარლამენტის პრესსამსახური იუწყება, დეპუტატებმა პატრიარქს დაბადების დღე, აღსაყდრებიდან 42 წელი და შობა-ახალი წლის დღესასწაული მიულოცეს.
„დეპუტატებთან ერთად საპატრიარქოში მათი ოჯახის წევრებიც იყვნენ, მათ შორის, უწმინდესის ნათლულები“, – ნათქვამია პრესრელიზში.
პატრიარქს პარლამენტის პირველმა ვიცე-სპიკერმა გია ვოლსკიმ შემდეგი სიტყვებით მიმართა: „ჩვენ მოვედით, რათა მოგილოცოთ დაბადების დღე, 42 წელი აღსაყდრების, შობა-ახალი წელი, კიდევ ერთხელ დაგიდასტუროთ დიდი სიყვარული და პატივისცემა ჩვენ ყველამ ერთად. ვფიქრობთ, რომ საზოგადოების ძალიან დიდი ნაწილის სიყვარული მოგიტანეთ დღეს“.
პატრიარქმა პარლამენტარები დალოცა.
„მოხარული ვარ თქვენთან შეხვედრით. მინდა გთხოვოთ, რომ ეცადოთ, არ იყოს დაყოფა თქვენს შორის, თქვენ უნდა მისცეთ მაგალითი ჩვენს ახალგაზრდობას. ღმერთი მოწყალეა და ღმერთი გაგვიხსნის გზას და ჩვენ გავალთ სამშვიდობოს. დალოცვილი იყავით“, – მიმართა ილია II-მ საპარლამენტო უმრავლესობის წევრებს.
Loading ...
