ქართული მოცვის ექსპორტი თითქმის 142-ჯერ გაიზარდა. სტატისტიკის ეროვნული სამსახურის მონაცემებით, წელს იანვარ-აპრილში ექსპორტზე გავიდა 2.83 ტონა ლურჯი მოცვი, რომლის ღირებულებამაც 6.8 ათასი დოლარი შეადგინა. ეს კი მაშინ, როცა გასულ წლის იმავე პერიოდში 200 დოლარის 20 კგ. მოცვის ექსპორტი განხორციელდა.
სტატისტიკის ეროვნული სამსახურის საგარეო ვაჭრობის პორტალზე იანვარ-აპრილის პერიოდში მოცვის ექსპორტი 2021 წლიდან ფიქსირდება. მონაცემები აჩვენებს, რომ ოთხი თვის ჭრილში, წელს რეკორდული რაოდენობის მოცვი გავიდა ექსპორტზე.
ქართული მოცვის ექსპორტი წელს მხოლოდ აშშ-სა და სომხეთში განხორციელდა. გთავაზობთ საექსპორტო მოცულობასა და 1 კგ-ის საშუალო ფასს:
- აშშ – 2.69 ათასი დოლარის 2.45 ტონა (1.1 დოლარი);
- სომხეთი – 4.11 ათასი დოლარის 380 კგ (10.82 დოლარი).
რაც შეეხება ფასებს, 2024 წლის ოთხ თვეში 1 კგ მოცვის საშუალო საექსპორტო ფასი გადასახადების გარეშე 10 დოლარი იყო, წელს კი 2.4 დოლარია. მონაცემები აჩვენებს, რომ ქართული მოცვის საექსპორტო ღირებულება 76%-ით შემცირდა.
www.bpn.ge
კომენტარები
Loading ...