2025 წლის იანვარ-სექტემბერში, გასული წლის იმავე პერიოდთან შედარებით, ქართული წარმოების მანდარინის ექსპორტი 81%-ით შემცირდა.
კერძოდ, სტატისტიკის ეროვნული სამსახურის მონაცემებით, წელს 9 თვეში ექსპორტირებულია 1.001 მლნ დოლარის ღირებულების (ჯამში 1 783 ტონა) ქართული მანდარინი. ეს კი მაშინ, როცა 2024 წლის სამ კვარტალში ექსპორტზე გავიდა 5.385 მლნ დოლარის ღირებულების 9 431 ტონა ციტრუსი.
რაც შეეხება ფასს, „ბიზნესპრესნიუსის“ დათვლით, 1 კგ-ის ექსპორტი გადასახადების გარეშე 57 ცენტი ჯდებოდა, წელს კი ფასი 56 ცენტს შეადგენდა, რაც საექსპორტო ფასის მცირედ კლებაზე მიუთითებს.
აღსანიშნავია, რომ წელს იანვარ-სექტემბერში ქართული მანდარინის ძირითადი საექსპორტო ბაზარი რუსეთი იყო. ამ პერიოდში რუსეთის წილმა ექსპორტში 81.5%-ს გადააჭარბა.
2025 წლის 9 თვეში ქართული მანდარინის ექსპორტი შემდეგ ქვეყნებში განხორციელდა:
- რუსეთი 816 ათასი დოლარის 1 383 ტონა;
- სომხეთი – 185 ათასი დოლარის 400 კგ.
www.bpn.ge
Loading ...