სოფლის მეურნეობის სამინისტროს ინფორმაციით, ქართული თხილის საშუალო საექსპორტო ფასი 13%-ით გაიზარდა.
უწყების ცნობით, 1 კგ-ის საშუალო ფასი 6.29 აშშ დოლარს გაუტოლდა.
„2024 წლის 1 აგვისტოდან 2025 წლის 23 აპრილამდე პერიოდში, საქართველოდან თხილის ექსპორტმა 16 ათას ტონას მიაღწია, რაც 20%-ით (2.7 ათასი ტონით) აღემატება წინა წლის ანალოგიური პერიოდის მაჩვენებელს. 26.5 მლნ აშშ დოლარითაა (36%-ით) გაზრდილი ექსპორტირებული თხილის ღირებულებაც და 100.5 მლნ აშშ დოლარს შეადგენს.
საანგარიშო პერიოდში 13%-ით გაიზარდა თხილის საშუალო საექსპორტო ფასიც და ერთ კილოგრამზე 6.29 აშშ დოლარი შეადგინა“, – აღნიშნულია ინფორმაციაში.
ინფორმაციაში აღნიშნულია, რომ ქართული თხილის ექსპორტი ძირითადად ევროკავშირის ბაზრებზე ხორციელდება, კერძოდ, იტალიაში, ესპანეთში, გერმანიაში, საფრანგეთში, პოლონეთსა და ჩეხეთში. ამასთანავე, ქართული თხილი გავიდა სომხეთში, ჩინეთში, თურქეთში, ისრაელში, რუსეთში, ალჟირსა და მაროკოშიც.
www.bpn.ge
Loading ...