საქართველოდან თხილის ექსპორტი 13,4%-ით შემცირდა. საქსტატის მონაცემებით, 2023 წლის იანვარ-სექტემბერში ქვეყნიდან 49,282 მლნ დოლარის ღირებულების 10 537 ტონა თხილი და კაკალი გავიდა, წინა წლის ანალოგიურ პერიოდში კი 56,973 მლნ დოლარის 12 287 ტონა.
როგორც გასულ წელს, 2023-შიც ქართული თხილის ექსპორტში პირველ ადგილზე არის იტალია, სადაც მთლიანი ექსპორტის 20,7% მოდის. უფრო კონკრეტულად, იანვარ-სექტემბერში იტალიაში 10,206 მლნ დოლარის ღირებულების 2 616 ტონა თხილი და კაკალი გავიდა.
Top-10 ექსპორტიორი ქვეყანა, ასე გამოიყურება:
- იტალია – 10,206 მლნ დოლარი (2 616 ტონა)
- გერმანია – 6,666 მლნ დოლარი (1 314 ტონა)
- თურქეთი – 4,579 მლნ დოლარი (1 088 ტონა)
- ესპანეთი – 4,027 მლნ დოლარი (701 ტონა)
- საფრანგეთი – 2,819 მლნ დოლარი (483 ტონა)
- რუსეთი – 2,801 მლნ დოლარი (565 ტონა)
- სომხეთი – 2,345 მლნ დოლარი (597 ტონა)
- ლიეტუვა – 1,943 მლნ დოლარი (325 ტონა)
- უკრაინა – 1,640 მლნ დოლარი (325 ტონა)
- საუდის არაბეთი – 1,578 მლნ დოლარი (265 ტონა)
აღსანიშნავია, რომ 2023 წლის იანვარ-სექტემბერში ადგილობრივი პროდუქციის ექსპორტმა 2,172 მლრდ დოლარი შეადგინა. შესაბამისად, გამოდის, რომ წელს თხილის კაკლის ექსპორტი მთლიან მაჩვენებელში მხოლოდ 2,2%-ს შეადგენს.
კომენტარები
Loading ...