26-28 თებერვალს, კიევში გამართულ ტრადიციულ საერთაშორისო ტურნირზე ქართველმა მოჭიდავეებმა თხუთმეტი მედალი მოიპოვეს. აქედან თერთმეტი ბერძნულ-რომაული სტილით მოჭიდავეთა ნაკრების ანგარიშზეა. ოთხი – თავისუფალი სტილით მოჭიდავეების.
თავისუფალი სტილით მოჭიდავეებმა ტურნირი ორ-ორი ოქროსა და ბრინჯაოს მედლით და მეორე გუნდური ადგილით დაასრულა. ჩემპიონები გახდნენ ნიკა კენჭაძე (79 კგ) და ირაკლი მწითური (92 კგ).
საქართველოს თავისუფალი სტილით მოჭიდავეთა ნაკრები კიევის ტურნირზე შესუსტებული შემადგენლობით გამოვიდა. გუნდის სამწვრთნელო შტაბის გადაწყვეტილებით, გამოცდილ მოჭიდავეთა უმეტესობას, მოახლოებული სალიცენზიო შეჯიბრებებისა და ევროპის ჩემპიონატის წინ დასვენების საშუალება მიეცა.
18-21 მარტს ქართველი მოჭიდავეები ბუდაპეშტის საერთაშორისო ტურნირზე გამოვლენ, სადაც მედლების გარდა, ტოკიოს ოლიმპიური თამაშების ლიცენზიებიც გათამაშდება.
www.radiotavisupleba.ge
Loading ...
