ბელგრადში ევროპის ჩემპიონატის შესარჩევ მატჩში საქართველოს ნაკრებმა ევროპის ერთ-ერთი გრანდი, სერბეთის ნაკრები ანგარიშით 94 : 90 დაამარცხა.
მატჩის პირველი პერიოდი სერბი კალათბურთელების უპირატესობით წარიმართა, თუმცა შეხვედრის მეორე ნახევარში ჩვენმა გუნდმა ბრწყინვალედ ითამაშა და ტაბლოზე თანაბარი ქულები არაერთხელ დაფიქსირდა, რამდენჯერმა კი დავწინაურდით. მეოთხე პერიოდში კი ჩვენი ნაკრები მოწოდების სიმაღლეზე იყო და სენსაციური გამარჯვება მოიპოვა.
შეგახსენებთ, რომ საქართველო 2021 წლის ევრობასკეტის ერთ-ერთი მასპინძელი ქვეყანაა, რის გამოც ჩვენს ნაკრებს ამ ტურნირის ფინალურ ეტაპზე ადგილი გარანტირებული აქვს და ეს შესარჩევი ციკლი სიმბოლურ ხასიათს ატარებს. თუმცა, ევროპის ერთ-ერთ საუკეთესო გუნდს საქართველოს ნაკრებმა უკომპრომისო ბრძოლა გაუმართა და გულშემატკივარს დასამახსოვრებელი თამაში აჩუქა.
სერბეთისა და შვეიცარიის ნაკრებების გარდა, ჩვენს შესარჩევ ქვეჯგუფში ფინეთის ეროვნული გუნდიც ასპარეზობს.
Loading ...