ქართველი ძიუდოისტი ილია სულამანიძე ოლიმპიადის ნახევარფინალშია

საქართველოს ძიუდოისტთა ნაკრების წევრი ილია სულამანიძე (100კგ) პარიზის ოლიმპიადაზე წარმატებით გამოსვლას აგრძელებს.

შეჯიბრების მეოთხედფინალში სულამანიძემ ოლიმპიური ჩემპიონი აარონ ვოლფი ვაზარით დაამარცხა და ნახევარფინალში გავიდა.

ოლიმპიადის ფინალის საგზურისთვის ქართველი ძიუდოისტი შვეიცარიელ დანიელ აიხს შეხვდება. ფინალური ბლოკი 18:00 საათზე დაიწყება.