ქალთა ჩემპიონთა ლიგაზე „ლანჩხუთის“ სავარაუდო მეტოქეები ცნობილია

ქალთა ჩემპიონთა ლიგის 2025-2026 წლების გათამაშებაში ცნობილი გახდა საფეხბურთო კლუბ „ლანჩხუთის“ სავარაუდო მეტოქეები.

ქალთა ჩემპიონთა ლიგის 2025-2026 წლების სეზონის წილისყრა ნიონში, უეფა-ს შტაბ-ბინაში გაიმართა. საქართველოს მოქმედი ჩემპიონი მე-6 ჯგუფში მოხვდა, რომელიც სამგუნდიანია. მინიტურნირს კოსოვო უმასპინძლებს.

საქართელოს ჩემპიონი განთესილ კლუბებს შორის მოხვდა და ჯგუფურ ეტაპზე მხოლოდ ერთ შეხვედრას გამართავს. საკვალიფიკაციო მინიტურნირის ნახევარფინალში 30 ივლისს კოსოვოს „მიტროვიცა“ ჩრდილოეთ ირლანდიის „კლიფტონვილ ლედის“ დაუპირისპირდება, წყვილის გამარჯვებული კი 2 აგვისტოს ფინალში „ლანჩხუთს“ შეხვდება.

პირველი საკვალიფიკაციო ეტაპის 6 ჯგუფიდან მეორე ეტაპზე თამაშის უფლებას მხოლოდ გამარჯვებულები მიიღებენ და მომდევნო ეტაპზე გადაინაცვლებენ. მეორე საკვალიფიკაციო ეტაპზე „ლანჩხუთი“ კვლავ მინიტიურნირში ითამაშებს და 27 აგვისტოს ნახევარფინალში უკრაინულ პოლტავას „ვორსკლას“ შეხვდება.

ამ წყვილში გამარჯვებული ლიეტუვას „გინტრას“ და რუმინული „ფარულ კონსტანტას“ წყვილში უძლიერესს შეხვდება.

ფინალში დამარცხებული გუნდი ქალთა ახალ ტურნირზე, ევროპა ლიგის მეორე საკვალიფიკაციო ეტაპზე გადაინაცვლებს.