ქალთა საფეხბურთო კლუბმა „ლანჩხუთმა" უეფას ჩემპიონთა ლიგის ფინალური ეტაპის საგზური მოიპოვა

 ქსკ “ლანჩხუთის” ფეხბურთელები უეფას საკვალიფკაციო მატჩში რუმინეთში, ქალაქ კლუჟ – ნაპოკაში რუმინულ “უნივერსიტატე ოლიმპია კლუჟს” შეხვდნენ და ანგარიშით 1:0 დაამარცხეს. შეხვედრაში ანგარიში ბომბარდირმა ხატია ჭყონიამ 68-ე წუთზე გახსნა. ეს გოლი მატჩისთვის გადამწყვეტი აღმოჩნდა. წინა შეხვედრა ქსკ “ლანჩხუთს” ყაზახეთში, “ოკჟეტპესთან” ჰქონდათ, სადაც ლანჩხუთელმა გოგონებმა, სტუმრად 2:1 ითამაშეს. ამ გამარჯვებით ლანჩხუთის ქალთა კლუბმა ჩემპიონთა ლიგის მეორე საკვალიფიკაციო ეტაპი გადალახა.