ქალთა საფეხბურთო კლუბი “ლანჩხუთი” სპეციალურ განცხადებას ავრცელებს

“დღევანდელ მატჩში დაფიქსირდა სამწუხარო ფაქტი – მოედანზე შემოჭრილმა „ნიკე-ლუსოს“ ჩვენ შეცნობით, არაფხიზელ მდგომარეობაში მყოფმა თურქი ეროვნების გულშემატკივრებმა ფიზიკური შეურაცხყოფა მიაყენეს ქსკ ლანჩხუთის ფეხბურთელებს, დაზიანება მიიღო ასევე არასრულწლოვანმა ანანო წიქარიძემ, რაც ვიზუალურადაც თვალსაჩინოა.

აქვე აღვნიშნავთ, რომ მასპინძელი გუნდის გულშემატკივარმა მოედანზე შემოსვლა დაიწყო საფინალო სასტვენამდე. ჩვენს მეტოქეებს გვინდა შევახსენოთ, რომ ფეხბურთში კრივისაგან განსხვავებული წესები მოქმედებს, ქალების და ბავშვების ცემით ჩემპიონობა არ მიიღწევა.

გამომდინარე იქედან, რომ არ იყო უზრუნველყოფილი ფეხბურთელების უსაფრთხოება, მათ შორის არასრულწლოვნების ფიზიკური უსაფრთხოება, კლუბი მიმართავს რეგულაციებით გათვალისწინებულ ყველა ზომას, შესაბამისი პასუხისმგებლობების დადგომის და მატჩის შედეგის გაუქმების მოთხოვნის ჩათვლით!” – ნათქვამია განცხადებაში.

ქალთა ლიგის ლიდერებს შორის დღევანდელი მატჩი “ნიკე-ლუსოსა” და “ლანჩხუთს” შორის, მასპინძელთა გამარჯვებით დასრულდა, 2-1.

ამ შეხვედრის შემდეგ ზედა ჯგუფში სატურნირო მდგომარეობა არ შეცვლილა. პირველ ადგილზე ისევ “ნიკე-ლუსოა”, რომელიც უკვე 6 ქულით უსწრებს გურულ ფეხბურთელებს.