“ქალაქში იყიდება ძვირადღირებული ნარკოტიკული ნივთიერება. მის გამოყენებას მოჰყვა რამდენიმე ზედოზირების შემთხვევა, მათ შორის ლეტალური” – ნარკოლოგის გაფრთხილება

ნარკოლოგი ზურაბ სიხარულიძე სოციალურ ქსელში პოსტს აქვეყნებს და წერს, რომ ბოლო დღეებში, ქალაქში ძვირადღირებული ნარკოტიკული საშუალება იყიდება, კოკაინის სახელით, რომელსაც რამდენიმე ზედოზირების შემთხვევა მოხდა, მათ შორის ლეტალური.

ნარკოლოგი მოსახლეობას ურჩევს სიფრთხილე გამოიჩინონ.

“მეგობრებო, მსურს მოგაწოდოთ მეტად საყურადღებო და მნიშვნელოვანი ინფორმაცია.

ბოლო დღეებში ქალაქში იყიდება ძვირადღირებული ნარკოტიკული ნივთიერება, რომელიც იყიდება კოკაინის სახელით. თუმცა, როგორც ირკვევა აღნიშნული ნივთიერების გამოყენებას მოჰყვა რამდენიმე ზედოზირების შემთხვევა, მათ შორის ლეტალური.

არსებული ეჭვის მიხედვით, რეალურად არ არის კოკაინი – სავარაუდოდ, საქმე გვაქვს მეტადონის კრისტალისა და ფენტანილის ნარევთან, რაც უკიდურესად საშიშია სიცოცხლისთვის.

გთხოვთ, სიფრთხილე გამოიჩინოთ და გაავრცელოთ ეს ინფორმაცია, რათა თავიდან ავიცილოთ მძიმე შედეგები. გაუფრთხილდით საკუთარ და სხვის სიცოცხლეს,” – წერს ზურაბ სიხარულიძე.