ხარკოვის ოლქში მდებარე ქალაქი კუპიანსკი რუსული ძალებისგან თითქმის სრულად გათავისუფლდა. ამჟამად ქალაქის ერთ ნაწილში რუსების მხოლოდ რამდენიმე მცირე ჯგუფია ალყაში მოქცეული, – ამის შესახებ უკრაინის შეიარაღებული ძალების სახმელეთო ჯარების რეზერვისტთა საბჭოს თავმჯდომარემ, ივან ტიმოჩკომ უკრაინულ რადიოს განუცხადა.
ტიმოჩკომ აღნიშნა, რომ რუსებმა ვერ მიაღწიეს იმ შედეგებს, რასაც ელოდებოდნენ. მისი თქმით, უკრაინის დამცველები ამჟამად ოკუპანტებს ალყაში აქცევენ.
უკრაინის შეიარაღებული ძალების სახმელეთო ჯარების რეზერვისტთა საბჭოს თავმჯდომარის თქმით, უკრაინის თავდაცვის ძალები აკონტროლებენ ქალაქს და მის შემოგარენს, ასევე მტრის წინსვლის მარშრუტს.
„ქალაქის გათავისუფლების შესახებ ცნობა ცალსახაა. რუსი ჯარისკაცები მოწყვეტილი და ალყაში მოქცეული არიან – ეს პირველი შემთხვევა არ არის. დიდი რაოდენობით ძალების გაგზავნა შესაძლებელია შეტევაში, რათა სწრაფად და საჯაროდ განაცხადონ, რომ ყველა ბლოკირებული და განადგურებულია. თუმცა ეს ნიშნავს ადამიანების დაკარგვას და მნიშვნელოვან რესურსებს იარაღის თვალსაზრისით, ამიტომ ყოველთვის უმჯობესია, მტერი იმ დონემდე გამოფიტო, რომ წინააღმდეგობის გაწევის უნარი დაკარგოს. შემდეგ კი ისინი სრულად გაანადგურო, მაგრამ ამას ყოველთვის დრო სჭირდება“, – განაცხადა ტიმოჩკომ.
Loading ...