ფოტოები – წალენჯიხელმა ბიჭმა სტადიონის შესასვლელზე, ხვიჩა კვარაცხელიას სტენსილი მოხატა

32 წლის წალენჯიხელმა მხატვარმა ლევან თოლორდავამ, საშა კვარაცხელიას სახელობის ცენტრალური სტადიონის შესასვლელზე, ხვიჩა კვარაცხელიას სტენსილის მოხატვა დაასრულა.

როგორც მან  „პრაიმტაიმს” უთხრა, მოხატვას 7 დღე მოანდომა.

წალენჯიხელი, 21 წლის ახალგაზრდა ფეხბურთელის სახელი იტალიაში გამგზავრებამდეც ხშირად იწერებოდა და ისმოდა.

ფეხბურთის ფანები კვარაცხელიას შესახებ აქტიურად წერენ, რომ სწორედ ის არის ადამიანი, რომელმაც გულშემატკივარს ქართული ფეხბურთის რწმენა დაუბრუნა.