ფლორიდაში ტრამპისა და ზელენსკის ერთობლივი პრესკონფერენცია მიმდინარეობს – რა განაცხადა ორი ქვეყნის ლიდერმა

ზელენსკიმ აღნიშნა, რომ ტრამპს უკრაინაში ელოდებიან, რაზეც ტრამპმა უპასუხა: „არ ვფიქრობ, რომ ეს აუცილებელია“.

დონალდ ტრამპი: “უკრაინას მოუწევს კონფლიქტის მოგვარების საკითხები რეფერენდუმის გზით გადაწყვიტოს, ან პარლამენტში დაამტკიცოს, თუმცა მოსახლეობა აშკარად საომარი მოქმედებების დასრულების მომხრეა.

 „ვფიქრობ, ტერიტორიები მთავარი საკითხია. ნაწილი უკვე დაკავებულია, ნაწილი შესაძლოა, მომდევნო თვეებში იქნას აღებული. თქვენთვის უკეთესია, შეთანხმება ახლავე დადოთ. უკრაინა მედგრად და მამაცურად იბრძოდა. რუსეთსაც სურს, რომ ეს დასრულდეს. სამწუხაროდ, ბევრი მამაცი ადამიანი დაიღუპა.“

 ტრამპი ზაპოროჟიეს ატომურ ელექტროსადგურზე: „ჩვენ ეს განვიხილეთ, ის კარგ მდგომარეობაშია და შეუძლია მუშაობა დაუყოვნებლივ დაიწყოს. პუტინი თანამშრომლობს უკრაინასთან, რომ ის გაიხსნას. მას სადგურისთვის არ დაურტყამს, რადგან ეს ყველასთვის დიდი საფრთხე იქნებოდა. ხალხი, ვინც მას მართავს, იქ წლებია მუშაობს — ეს დღეს გავიგე. ის ყველაზე დიდია თავის კლასში.“

ტრამპმა დამატებით ასევე განაცხადა, რომ მზად არის ეწვიოს უკრაინას და სიტყვით გამოვიდეს რადაში, თუ ეს შეთანხმების მიღწევას დაეხმარება.

 ზელენსკი: „იმედი მაქვს, იანვარში ყველა დოკუმენტზე მივიღებთ გადაწყვეტილებას,“ —

 რეპორტიორი: როგორ ფიქრობთ, რამდენი დრო დასჭირდება ამ ბოლო მცირე ნაწილის დასრულებას?

 ტრამპი: რამდენიმე კვირა, თუ ყველაფერი კარგად წავიდა…დღეს მე დავინახე ძალიან საინტერესო პუტინი. მე მისი მჯერა. მას მშვიდობა სურს”…

 “ყველაფერი შეიძლება წავიდეს კარგად ან ცუდად; თუ ძალიან ცუდად წავიდა, შეთანხმება საერთოდ არ შედგება, რაც დასანანი იქნება. ერთმა პუნქტმაც კი შეიძლება ყველაფერი ჩაშალოს. ყველაფერი ძალიან დეტალურია. მე 8 ომი დავასრულე, ზოგიერთი მათგანი ათწლეულების განმავლობაში გრძელდებოდა. ჩვენ ამას გავაკეთებთ”.

 “უკრაინის უსაფრთხოების გარანტიების დიდ ნაწილს ევროპა აიღებს საკუთარ თავზე, ჩვენ კი მათ დავეხმარებით”