ფინეთის ჯანდაცვის სამსახურების თანახმად, ამ ქვეყანაში კორონავირუსის შემთხვევების ზრდა უკავშირდება რუსეთიდან, სანქტ-პეტერბურგიდან, ფეხბურთის გულშემატკივრების დაბრუნებას ევროპის საფეხბურთო ჩემპიონატის თამაშების შემდეგ. ვირუსის ახალი, სწრაფი გავრცელების უნარიანი, ვერსია „დელტა“ არაერთ ქვეყანაში გავრცელდა და შეშფოთებას იწვევს.
ფინეთის ჯანდაცვის და სოციალური უზრუნველყოფის ინსტიტუტმა მოუწოდა 26 ივნისს იმ პირებს, რომლებიც სანქტ-პეტერბურგიდან დაბრუნდნენ ავტობუსით, კორონავირუსზე ტესტი გაიკეთონ.
მიკა სალმინენმა, ინსტიტუტის დირექტორმა, განაცხადა, რომ იმ მგზავრებს შორის, რომლებიც სანქტ-პეტერბურგიდან დაბრუნდნენ, ძირითადად, ფეხბურთის ქომაგები, 120 ინფიცირებული აღმოაჩინეს და მათი რიცხვი ალბათ გაიზრდება.
სანქტ-პეტერბურგში ევრო-2020-ის ექვსი მატჩი გაიმართა და იქვე მოეწყობა 2 ივლისს მეოთხედფინალი.
ვრცელდება ცნობა, რომ მსოფლიოს სულ მცირე, 85 ქვეყანაში გავრცელდა „დელტას“ ვარიანტი. ის დომინირებს ბრიტანეთში, პორტუგალიასა და სამხრეთ აფრიკაში. ამ დროს ავსტრალიამ ორკვირიანი იზოლაცია გამოაცხადა, რათა შეაჩეროს ამ ვარიანტის აფეთქება. 28 ივლისიდან ბანგლადეში აპირებს მთელ ქვეყანაში იზოლაციის გამოცხადებას „დელტას“ გავრცელებისთვის ხელის შეშლის მიზნით.
www.radiotavisupleba.ge
Loading ...