ფეხბურთის ფედერაციის სადისციპლინო კომიტეტმა „ნიკე-ლუსოს“ ქომაგების მოედანზე გადასვლა და “ლანჩხუთის” ფეხბურთელების ფიზიკური შეურაცხყოფის მიყენება დაადგინა

“ფეხბურთის ფედერაციის სადიციპლინო და საფეხბურთო დავების კომიტეტმა ოფიციალურად დაადგინა და დაადასტურა ქსკ ნიკე – ლუსოს გულშემატკივრების მხრიდან ჩვენი გუნდის ფეხბურთელებზე და გუნდის წარმომადგენლებზე ფიზიკური ზემოქმედების ფაქტი, გაგაცნობთ შესაბამის ნაწილს გადაწყვეტილებიდან:

“კომიტეტმა დაადგინა, რომ 2025 წლის 20 სექტემბერს, ქალთა ლიგის ეგიდით, ქ.ს.კ. „ნიკე ლუსოსა“ და ქ.ს.კ. „ლანჩხუთს“ შორის გამართული მატჩისთვის სათანადოდ არ იყო უზრუნველყოფილი საზოგადოებრივი წესრიგი და უსაფრთხოება, რის გამოც ქ.ს.კ. „ნიკე ლუსოს“ გულშემატკივრებმა მატჩის დასრულების შემდეგ შეძლეს მოედანზე შესვლა და მეტოქე გუნდის ფეხბურთელებისა და გუნდის წარმომადგენლებისთვის ფიზიკური შეურაცხყოფის მიყენება.“

 “სადისციპლინო კოდექსის 101-ე მუხლის მე-2 პუნქტის და 51-ე მუხლის მე-2 პუნქტის საფუძველზე, ქ.ს.კ. „ნიკე ლუსო“ დაისაჯოს ნეიტრალურ სტადიონზე სხვა ქალაქში 3-მატჩის ჩატარებით“

გარდა ამისა ფეხბურთელებს შორის მომხდარი ჩხუბის გამო კომიტეტმა 3 მატჩიანი დისკვალიფიკაციით დასაჯა მეტოქე გუნდიდან გასვიანი, ბუხრიკიძე და დანელია. ჩვენი კლუბიდან 3 მატჩიანი დისკვალიფიკაციით დაისაჯა მურილო, ხოლო 4 მატჩს გამოტოვებს სმიტი.”

კომენტარები