აშშ-ის წამყვანი ინფექციონისტის ენტონი ფაუჩის განცხადებით, COVID-19-ის საწინააღმდეგო ვაქცინის გამოყენება შესაძლოა ყოველ წელს გახდეს საჭირო, როგორც ეს ჩვეულებრივი გრიპის ვაქცინების შემთხვევაშია. ამის შესახებ ინფორმაციას CNN-ი ავრცელებს.
„იმედი გვაქვს, შეგვიძლია ეს კონკრეტული აფეთქება და ყველა მისი განშტოება მთელ მსოფლიოზე იმგვარად შევაკავოთ, რომ ვირუსის სხვადასხვა ვარიანტის ციკლური მონაცვლეობა არ მოხდეს. ასე, რომ თქვენ ყოველ წელს განსხვავებულად უნდა უპასუხოთ მას“, – განაცხადა ფაუჩიმ.
ფაუჩის თქმით, მეცნიერები უკვე მუშაობენ კორონავირუსის საწინააღმდეგო უნივერსალურ ვაქცინაზე, რომელიც ვირუსის ყველა ვარიანტის მიმართ ეფექტური იქნება.
აშშ-ის დაავადებათა კონტროლისა და პრევენციის ცენტრის მონაცემებით, კორონავირუსის სხვადასხვა ახალი შტამი აღმოჩენილია დიდ ბრიტანეთში, სამხრეთ აფრიკაში, ბრაზილიაში და აშშ-ს სხვადასხვა შტატში.
www.bm.ge
Loading ...
