აშშ-ს წამყვანი ინფექცინისტის ენტონი ფაუჩის განცხადებით, კორონავირუსის საწინააღმდეგო ვაქცინა ახალგაზრდებისთვის ხელმისაწვდომი სექტემბრიდან გახდება. ამის შესახებ ინფორმაციას Reuters-ი ავრცელებს.
„მე მგონია, რომ სექტემბრიდან აქტიურად აღდგება სასწავლო პროცესი და ჩვენ შევძლებთ პირველკლასელების სკოლაში მიღებას“, განაცხადა ფაუჩიმ.
აღსანიშნავია, რომ ამჟამად ორივე ავტორიზებული კოვიდ-ვაქცინის Pfizer-ის და Moderna-ს კლინიკური კვლევები მიმდინარეობს ახალგაზრდა ასაკობრივ ჯგუფებზე.
Pfizer-ის განცხადებით, მათი პრეპარატი კლინიკურ კვლევას გადის 12-15 წლის ასაკობრივ ჯგუფზე და მასში 2,259 მოზარდია ჩართული. ასევე კომპანია იმედს გამოთქვავს, რომ 2021 წლის პირველ ნახევარში ვაქცინის ეფექტის შესწავლა დასრულდება 5-11 წლის ასაკობრივ ჯგუფზე.
Moderna-ს განცხადებით, მათი კოვიდ-ვაქცინა კლინიკურ ტესიტრებას გადის 12-18 წლის ასაკობრივ ჯგუფზე, რომლის საბოლოო პასუხები ცნობილი 2021 წლის პირველი ნახევრის ბოლოს გახდება. აღსანიშნავია, რომ სამომავლოდ Moderna ასევე მიზნად ისახავს ვაქცინის განვითარებას ახალდაბადებული ბავშვებისთვის, კერძოდ 6 თვის ასაკიდან.
www.bm.ge
Loading ...