ორშაბათიდან “ფაიზერის” ვაქცინით იმუნიზაცია ოზურგეთის “მედალფას” კლინიკაშიც იქნება შესაძლებელი. ამის შესახებ განცხადებას “მედალფას” ოზურგეთის კლინიკის დირექტორი თავის ფეისბუქ გვერდზე ავრცელებს.
მისი განცხადებით კლინიკის იმუნიზაციის კაბინეტი კვირაში 7 დღე იმუშავებს.
ჯანდაცვის მინისტრის მოადგილის, თამარ გაბუნიას განცხადებით დაწესებულებების რაოდენობა, სადაც „ფაიზერზე“ აცრა იქნება შესაძლებელი, გაიზრდება და ქვეყნის მასშტაბით 37 დაწესებულებაში იქნება შესაძლებელი, შესაბამისად, მოქალაქეებს საშუალება ექნებათ არა მხოლოდ დიდ ქალაქებში, არამედ რეგიონულ და რაიონულ დონეზე მიმართონ ამ დაწესებულებებს. რაც შეეხება რეგისტრაციის დაწყების დროს, როგორც გაბუნია განმარტავს, დამატებით ინფორმაციას მოსახლეობა მიიღებს მას შემდეგ, რაც „ფაიზერი“ საქართველოში შემოვა.
კომენტარები
Loading ...